close
立山黑部, 大阪之旅 (Day 4) 20.4.2012(Fri)
加賀文藝村~越前竹人形之里~ 東尋坊海岸靚景~滋賀龍皇OUTLET購物城
一早起身食早餐, 無野好食, 一於試下出名有益纖維多的納豆!
聞落有 d 嗅, 但食落無太大味, 可能食太少, 但已經唔想食....
八點三離開酒店, 酒店對面有間教堂, 聽講唔少人在此行禮.
離開酒店, 好幾個酒店員工出來門口揮手送行...
今日第一站 : 加賀文藝村 !
地方雖然不大, 但風景及佈置不錯...
呢到都有唔少櫻花...
呢到係金箔之館!
本來好想買右下圖個杯, 如果拎去Starbucks 買咖啡
一定型到爆, 但貴得好唔抵, 唯有影下相算數...
離開加賀文藝村, 用一個鐘頭車程到達了東尋坊海岸睇"靚景"!
下車後要經過一條小路, 除了有幾間雪糕店外, 還有不少賣海鮮的...
呢到就係東尋坊...
原來就係睇呢d石頭...
同埋呢d...無其他了....
半個鐘就走人...下一站 : 越前竹人形之里
係呢都先食午餐...又係呢d...悶!
食完就落樓下既show room 參觀...
呢個哥仔可能太悶, 一見到我地就不停介紹,
佢仲識講幾句唔咸唔淡既國語...攪到我地唔好意思唔理佢....
原來竹都有好多品種...有四方形的竹, 同扁平竹!
兩點半離開....門口都有好多櫻花...
坐左兩個鐘頭車, 到達滋賀龍皇OUTLET購物城!
d 野當然無特別平, 不過都買了兩件三同埋一d毛巾仔....
七點前要係呢到食埋晚餐, 結果揀選呢間一睇就知食牛既餐廳!
味道還不錯, 真係一分錢一分貨....
坐了三個小時車, 終於返到位於京都的酒店,
係酒店樓下coffee shop 買了三件蛋糕,
勁貴! 成HK$140, 鬼叫太早食晚餐同埋係唔飽!!!
食飽當然係z z Z Z Z Z
待續...
越前竹人形之里 http://www.takeningyo.com/
京都格蘭王子大飯店 (Grand Prince Hotel Kyoto)
http://www.princehotels.com/zh-tw/kyoto/
旅行社行程參考:
早餐於酒店餐廳。餐後參觀加賀文藝村，
可自費體驗各種日本傳統手工藝。
然後前往越前竹人形之里，越前以精細手工聞名，
尤其以竹為主角編成各式各樣的人形娃娃，人形即公仔的意思，
傳統國寶級的師父靈巧手藝值得參觀。午餐於市內餐。
餐後乘車前往東尋坊，觀賞日本海之秀麗景色及奇岩懸崖峭壁
及漫步於東尋坊海鮮大道。
繼而前往滋賀龍皇O U T L E T 購物城悠閒購物。
晚餐自費， 以便悠閒購物。
文章標籤
全站熱搜
留言列表
