花花草草的天地

韓國之旅 Day 2 (20.6.2010)(日)

嘩! 0900已經起身食早餐(酒店包), 但我食完返房,

太攰, 再瞓下先.....直至電話嚮嘈醒咗, 已經係下午三點,

  再慢慢睇下去邊到.....出門口時已經4:15p.m.,

好耐無試過咁free....

無乜好想去既地方, 決定先去梨大走一趟...

 一出閘, 見肚餓, 呢間cake shop 有雪條賣, 綠茶味道, 唔錯!

 原來呢到都既多野睇, 香港女仔應該o岩行,....

先來一杯Smoothie King(4300won),

我要了一款Kiwi-Strawberry Freeze, 味道唔錯.

係小商店買了一件T-shirt, 行了 Holika Holika,

Innisfree 及Watsons, 每到買了少少野.

在Watsons 買了 2盒Laneige, 無錯,

因為之前係其他店見到要幫朋友買的Water Sleeping Pack EX,

賣25000won, Watsons 見到的價錢一樣, 但有買一送一的份量!

仲有退稅添! (之後係明洞有買四送四, 但要一套買),

另外買了一支好多網友介紹的Hand Cream(1000won).

Holika Holika 買了支 SOS Film Serum (豆豆Cream, 13000 won).

送了3個Aqua Splash Scrum & 1 Oil Control Paper.

 晚上七點半, 個天仲好光猛, 行去新村站, 大約十分鐘就到.

 係超市買了少少野.......再係 innisfree 買了:

i) Anti-Trouble Acne Foam

ii)Lavender Moisture Sleeping Pack

iii) Green Tea Seed Serum

iv)Wine Peeling Softener

v) Wine Sleeping Pack, 送了15sample & 遮一把.

(Total 53100 won)

 新村就好似旺角咁, 好熱鬧, 人來人往....

韓國唔少街頭小吃, 見到呢檔好想試下.....唔知係豬肉定雞肉,

要燒好幾分鐘, 越來越多人等......哥哥仔唔知同我講乜,

我淨係識笑笑口......講了一句"I don't know"....佢伸伸手,

示意我自行找續, 但我根本見唔到寫住錢, 佢好nice咁幫我,

仲用英文問我"little spicy okay? "

我"OK!" (1700won, 好好味!)

本來想再來一客, 但由於要等 & 想留肚食其他野,

所以決定有機會先再食. (其後無再見到了, 唯有當少食多滋味!)

旺區都有教堂....

都行到成十點, 決定去食晚飯.......比我見到

想試既"部隊鍋" 即刻衝入去......

餐牌百分百韓文....職員百分百唔識英文.....

好彩! 我都係見到門口既圖畫先知有得食嗟!

咪"嘀"呀哥仔出門口手指指囉! 搞點!(上圖)

 入到去得2個客, 4個夥計......我有我食,

你有你眼望望.......

埋單6500won, OK good la!

(即係公仔麵+香腸+午餐肉咁上下)

 1045 決定返酒店, 韓國地鐵轉車要勁行......

我被香港 d 旅遊書老點,地鐵圖印得馬虎,

有 d 少站無列出來, 搞到我數錯站.....大家小心....

 我在東大門的站, 人地 d 地圖靚好多.....

 搞到我返到酒店都 1130, 未眼瞓, 晚上附近變得好熱鬧,

 在士多仔買了又係網友介紹的蜜瓜雪條, 都 okay 好食,

700 won, 再買了薯片&泡菜做宵夜.....

 沖完涼, 再打機, 又搞到0430先至上床瞓.....

待續.......