close
新加坡自由行 12.7.2012 (Day 1)

今次坐晨早機出發到新加坡, 展開為期四日三夜自由行之旅, 首先要多謝朋友仔悉心安排行程, 機票及酒店, 全部一手包辦!! 抵贊!!

浩浩蕩蕩一行十人, 約定八點前在check-in counter 前集合.
08:55 起飛, 因事先已辦理網上登機, 好老定地45分鐘前才到機場, 結果... 可能因為是學校暑假第一日假期, 晨咁早機場勁多人,  行李寄倉勁多人排隊, 起碼要排20分鐘... 見勢色唔隊, 截住個地勤叔叔問一問, 個叔叔問我地點解咁遲, 二話不說帶我地去"打尖"  話時話, 好彩出聲問下, 同時又撞到個肯幫手的, 如果唔係...又要檢查行李(又要排隊, 無得打尖), 又要搭無人駕駛, 仲要行到尾位.....五十分鐘內不停咁趕.... 又真係抆左d (奉勸大家暑假期間預鬆d).

同場加影, 明星1: 梁詠琪, 明星2: 陳慧琳, 明星3: 溫碧霞

到步新加坡...

排隊入境...

連續下榻三晚的酒店...M Hotel

酒店大堂...

酒店房間乾淨舒服, 一放低行李, 就步行到附近的Maxwell Food Centre 食個遲來的午餐...





一去到, 其實都唔係好熱, 但真係唔習慣無冷氣...

新加坡地道糕點, 見到幾多人買, 可惜未有機會試...



第一次食螄蚶, 感覺麻麻...

Rojak (青瓜, 豆腐乾, 粉葛等材料配上花生碎及醬汁) 味道幾得意.

 



聽講好出名的海南雞飯, 超多人排隊...






S$3-3.5 價錢超平, 但味道一般, 勝在抵食!



炒籮蔔糕粒





朋友介紹, 必食之一, 我本人還是比較鐘意港式魚蛋多d...



杏仁沙冰


解渴蔗汁...

齊齊開餐....

食飽飽, 行街街....

日頭去China Town Night Market...





今日未食過沙爹...更係要試下....

d 醬汁真係好好味...
古老當時興...香港可能已經失傳既雪糕磚三文治...
 

朋友食過話好正, 仲要係粟米雪糕, 但我實在太飽無食到, 可惜! 
然後坐地鐵到Clarke Quay(克拉碼頭), 站內見到呢個設計好有趣...d人係到做咩呢?...

哈哈, 睇真d, 假腳嚟...

係商場內的休息地方...
夕陽無限好...



兩旁有酒吧及海鮮飯店林立...

成個盆咁大隻蟹...











呢個就係出名既魚尾獅地標, 但可惜維修緊, 得番條細獅....





終於行到晚飯的地方...

登登登....無招牌!

無錯, 名叫"無招牌"海鮮飯店!





揚州炒飯S$12

S$24 既上湯莧菜...好鬼貴!!   

胡椒蟹 S$165, 幾好味.
我覺得全晚最好味的...麥皮蝦 S$40.

炸八爪魚仔S$18, 甜甜地, 脆脆地,  如果飲埋啤酒就無得頂...

o古o奴肉, S$20.

胡椒蟹...連汁都o奴埋

食完豐富美味既晚餐, 離開時碰巧見到"幻彩耀香江"新加坡版...





待續...
 
 
arrow
arrow
    文章標籤
    China Twon Night Market M Hotel Maxwell Food Centre 無招牌 新加坡自由行 Singapore
    全站熱搜

    花花 發表在 痞客邦 留言(0) 人氣()

    E-mail轉寄