韓國之旅 Day 1 (19.6.2010)(六)
網上check-in 真係好, 搭早機 9:30 a.m., 8:35a.m.才到達機場仲好輕鬆
9:05a.m.前登機入閘就可以了, 出境e通道+海關唔使五分鐘......
噢! 忘了.... 仲被地勤姐姐提升至商務客位......
可惜我一早預訂了低卡路里餐, 為有望住隔離食帶子餐~~
不過有雪糕補數
韓國時間13:50落機, 過海關 + 等行李, 14:20已經可以出閘...
換埋錢都係14:25, (疊錢成寸厚, 連銀包都放唔落)
拿拿聲走去搵機場巴士6001, (12,000 won + cuopon(可當1,000won)), 仲即刻開車添, 好似好順利咁!
坐了近一小時五十分鐘, 終於到達酒店門口
(最Hit 既酒店同地點沿途有中英日韓四方語言廣播)
我這次選擇了去日本時常去的 東橫INN 首爾東大門 , 早在香港網上預約,
去到時前台服務員小姐操流利英語, 佢話即時入會有折,
所以即刻入會(要5,000won/5年), 之後其中兩晚可以有七折及八折,
共鏗了33,000won, (仲可以儲分, 10分送一晚, 適用於日本及韓國, 咁我已經有四分啦!)
窗外風景....
由於我未諗到去邊, 先到附近東大門行下...
不遠見到網友推介的LOTTERIA, 即刻入去試下芝士波先(1,600won),
提子汁(1,700won).....見面不如聞名, 好一般, 我覺得似甜番薯多啲...
再行, 再食, 係旅遊既特色.....下面的是薯條麵包腸(2,000won),
凍冰冰, 好睇唔好食, 幾個人分仲可以, 一個人食完已經飽了一大半...
附近就係Doota (似觀塘APM), APM,
Goodmorning City等地 (兩者似旺角中心), 款式不太合我, 冇買嘢...
再行前少少, 就見到清溪川其中一部份, 影下相, 行上行落, 都用咗唔少時間.....
其中一款香蕉奶(1,000won)....
東大門Skin Food 對開空地, 有可多Camera man 影緊呢個遊戲.....
係Skin food 行咗一陣, 成九點幾先食野,
就係Skin food旁邊個間餃子店食晚餐,
點了手搞雲吞麵及泡菜餃子(8,000won), 好飽, 味道尚可.
十點幾已經返到酒店, 都已經好攰, 但由於有免費上網服務,
我堅持要打機, 打到成兩點半先瞓覺......
今日的少少戰利品....
待續.....
留言列表
