韓國之旅 Day 3 (21.6.2010)(一)
嘩! 我今日十一點已經起身! ^o^ 只係飲咗一支香蕉奶做早餐,
我大鄉里未見過既Cherry Coca-Cola & 完全估唔到係咩嘅飲品!(我估係咖啡)
唉! 啲旅遊書超錯! 位置同比例完全唔同! 兜兜轉轉先至揾到!
入口對出就有個巴士站, 可以認住佢!
鷺梁津站1號出口, 一直行, 見到下圖, 會經過一條小隧道...
....行入去, 唔晒一分鐘就見到......(下圖), 地方都幾大.....
行上一樓, 有好幾間店, 結果求其揀一間....
最終揀咗 : 鮑魚(刺身) 5000won - 爽口,
鮮甜 (後悔叫得一隻),扇貝2000won - 鮮甜, ok 的,
蝦 2000won - no good 囉,松葉蟹18000won - ok good, 但等咗好耐!
埋單另外比多10000won (泡菜, 醬油, 水), 合共37000won.
花咗個半鐘頭食呢餐, 唔算太飽, 正合我去旅行的見乜食乜策略!
旅行食得太飽, 會錯失好多見到想食又食唔落既野!
接近三點, 起程去位於汝矣島的六三大廈, 五分鐘地鐵車程就到,
6號出口,但行咗好遠先到, 或可搭巴士三個站到那裡!
迷路....要解渴.....我估呢隻係少甜的! (Lite 嘛!^^) 1000won
63大廈門口&對面的巴士站.
63大廈內的各樣收費, 有空中館(Sky Art), 水世界(Sea World),
電影館(IMAX Movie)& 蠟像館(Wax Museum)及套票等價格.
美味牛奶雪條^^ (1000won)
我只買了空中館的入場券 (12000won),
其他無乜興趣, 一心都係諗住上去睇下風景...
高空遠望....
偷影展覽中的懷舊相機...
上圖 : 藍色牌地方是剛才食海鮮的魚市場.
下圖 : 六三大廈兩旁景觀.
下圖 : 當然係六三大廈倒影啦! ^^
我覺得呢個洗手盆好過癮, 偷偷地影^o^
呢到地方唔算大, 如果行程唔順路可以唔黎, 除非你好想親身感受下~~
離開時遇上一班小朋友一齊, 嘈到拆天!
又飲! 800won 唔該!
五點幾離開六三大廈, 準備前往位於首爾站的 Lotte Mart,
花了幾分鐘時間諗點樣去, 決定搭62號巴士去大方站, 再轉地鐵去首爾站.
這就是 Lotte Mart
下圖 : 鮑魚, 今朝食5000won 一隻, 呢到10740won 三隻.
漢國出名小吃 : 年糕 & 魚板
買了紫菜 + 雜糧, 仲有得退稅^^
九點幾, 決定先返酒店放低戰利品再去明洞探路,
十點幾去到明洞仲燈光火著....但唔使幾耐就陸續收擋!
城俊哥間Cafe!
由於十一點幾明洞已經好靜, 決定結束今日行程, 但還未開飯, 食呢啲咪又一餐!
待續......
留言列表