韓國之旅 Day 4 (22.6.2010)(二) (上集)
今日一點起身! 兩點四十五分出發去狎鷗亭, 因為好想食旅遊書中介紹既炸雞
韓國真係好多樓梯.....唔知啲傷殘人士點去街.....
我又"盪失路".....唔知自己去咗邊到落車....是旦啦! 見路行路
一落車, 成條街賣名車嘅....似銅鑼灣高級商業區...
問路人都好似無人知係邊..... 四周有些店舖賣衫, 都有野睇的, 但我志不在此, 行咗四十五分鐘,終於比我揾到!
旅遊書介紹的"神話炸雞"!!
可能時間關係 (已經下午四點), 店舖內只得兩位客人! 我呢個外星人去到指手劃腳, 好似怪物咁睇我!!
我唔知呢四條友仔係乜水, 聽講係老闆! 叫"神話"?!!
睇完個Menu, 決定食辣辣炸雞, 炸芝士條, 當然唔少得我最愛的"啤酒"啦! (共25,500won)要等25分鐘添! 點員推介一公升啤酒抵-, 好! 照跟! 結果飽到上心口之餘仲頭赤兼眼花!
嘩嘩嘩!!!
啤酒超冰凍! 正!
芝士條, ok 好味! 正!
炸雞, 一合原來有十隻, 好野味, 又夠辣, 真正皮脆肉嫩! 勁好味! 正! 正! 正!
飲飽食醉, 四周散下步先.....
嘩! 佢隻腳瘦到呢.....
Hea到五點半離開狎鷗亭, 準備上南山山頂的N Tower, 搭南山纜車!
坐巴士其實好簡單, "M"字即係地鐵, 數字即係幾號線! Very easy, 重要地方有時會有英文名的, 其餘唔識就盡量搭地鐵啦!
巴士轉地鐵去明洞, 步行至纜車站.
有升降電梯直上.
纜車來回費用 7,500 won
另一個拍攝場景...
Yeah! 有地圖, 但完全唔識睇!
Never mind, 又係見路就行!
嘩嘩嘩! 原來上咗個山頂公園, yeah yeah, 估唔到可以行下山! 正!
樓梯, 樓梯 & 樓梯....
已經晚上七點十分, 個天仲好光!!
呢個係廁所, 靚呢!
he he, 開始feel到唔對路, 我又唔知自己係邊到!
原本以為一上到山頂就見到 N Tower的......行咗成個鐘都唔知去咗邊!
待續....
留言列表
