韓國之旅 Day 5 (23.6.2010)(三)
今日一早起身, 為在最後一日行程而奮鬥!!!
噢! 唔記得同大家講! 我昨晚半夜肚痛, 起咗兩次身去廁所,
嘩!無得瞓咁滯!好大可能係啲炸雞
(我唔百分百肯定,但我昨天全日淨係食咗佢),
雖然勁好食, 但我從未試過有呢啲腸胃問題, 所以係想提省大家,
如果好想食, 一係同人share, 少食多滋味(我一個人食晒十隻),
一係就唔好食辣, 再唔係就喺行程最後一日先食.........
結果.....成晚瞓得嗰三, 四個鐘,
八點幾就起咗身, 食完早餐, 又痾!!! :(
十點鐘, check out, 寄存行李係酒店,
出發去明洞, 但好擔心出到去又肚痛.....
結果......開口中, 又要搵廁所! 已經第四次啦!!!
由於要幫朋友入貨, 唯有頂硬上!
明洞好多明星效應既海報, 我影比亞媽睇,
因為佢勁褒韓劇, 佢對 啲韓星既認識仲多過我! ^o^
有點口渴, 一於買杯凍嘢飲下! 死就死!
又去Smoothie King 飲我最愛既 passion fruit smoothie!
行多陣就差不多夠鐘返酒店攞行李...
人地韓國啲地鐵地圖幾靚!
計過要成七點先有得食飛機餐! 咁就先來一客快餐!
炸蝦堡餐, 4,700won, ok好食,
兩點幾返到酒店, pack 埋啲行李, 剛剛走咗班車,
十五分鐘又一班, 唔緊要啦! 何況門口就係喇!
巴士直達首爾金浦機場, 車程接近兩小時,
勝在唔使轉車, 費用為12,000won+coupon
到達機場, 用盡所有零錢, 買咗兩罐咖啡&donut, 眨下眼無晒!
啲旅遊書講到退稅好麻煩, 又咁又咁, 其實我覺得ok喎,
都唔係咁麻煩啫, 但係過海關返而麻煩, 驗屍咁驗!
之前有旅遊書&網友話退稅物品要檢查,
但100ml以上液體又唔可以hand carry,好煩囉!
在掛萬漏一情況下, 結果都被趕返出去再將部份戰利品寄倉....
其實唔理三七廿一, 將所有液體寄倉,
check in 攞完機位就將要退稅的單據攞去
Oversized Baggage Counter蓋印, 然後才過海關就okay 啦!
比預期多咗好多時間, 又買下手信囉....
下圖的朱古力蛋糕&芝士蛋糕係機場買的, 我覺得味道唔錯! 價錢亦合理!
部份戰利品: 以下圖為例, 買上圖用品, 送下圖試用裝.
呢把咁靚既遮, 都係送既.
留言列表