花花草草的天地

9.7.2009 香港-->澳門

今日靜雞雞同亞媽去咗澳門, 一早起身坐10:30A.M.船過大海,

由於冇預計去邊, 所以係碼頭旅遊局攞咗啲單張睇下有乜新嘢嘅,

亞媽好快就話想去呢道, 澳門藝術博物館,

去咁多次澳門, 第一次去呢啲咁正經嘅地方,

因為我通常會去................

嘩! 好抵, 只係萄幣$5, 總共四層樓咁多 

 入到去, 仲發覺係我地包場, 地方又大,

只有兩個警衛係到你眼望我眼!

 地方大, 但展覽品唔係太多........(我問過可以影相!)

Mr. 濟公 

 唔知蘇友朋係咪佢啲親戚?!

作品 : 不知何時他走了

 行到兩點幾, 去咗呢間叫滋味滿屋嘅餐廳食lunch, 唔多平!

海南雞飯 $53, 牛肉蛋出前一丁 $唔記得, 但兩樣都非常唔好食!

 食完 lunch, 去咗新葡京行下, 玩下

 新葡京開咗咁耐, 今次係我第一次去, 點知比我見到亞燊哥,

仲有好多保鑣同四姨太, 我都知我今日lucky啦!

 大堂金碧輝煌, 巨型水晶吊燈.........

 奇珍異寶, 各具特式...........

 亞媽猛叫我影呢個銅像, 話來頭好勁喎!

 Casino就係旁邊, 入去睇下啫, 因剛剛滿十八歲.... 

結果, .........要多謝燊哥! 

Let 's go next!

六月份才新開幕的新濠天地, 

最吸引人的就是似太空館內的天幕電影"龍騰", 

仲係免費欣賞的, 不過太多人, 我們6:50P.M.到達,

要預先拿飛, 都要8:30P.M.先有得睇, 咁啱得咁嘺,

旁邊又有Casino, 況且又要等, ........嘻嘻! 入去睇下啫!

 今次唔知又要多謝邊個呢? 

 全場電影約10分鐘, 諗緊辦法 upload!

 商場內又一驚喜, 人魚小姐游緊水! 呢個姐姐真係好靚

 大家亦可以去呢道睇下:

 人魚小姐(1) , 人魚小姐(2)

睇完差不多九點, 一早諗住去氹仔 - 阿曼諾葡國餐食晚飯

(記住10:30P.M. Last order)

雖然鋪仔細細, 環境亦唔係特別靚, 但味道就 very good!      

 我們兩個人, 叫咗三個餸, 一支啤酒, 餐飽, 樣樣都好好味!

 1. 鮑魚飯, 雖然得兩碗, 但真係勁多鮑魚 

 2. 鹽燒沙甸魚 

 3. 燒豬肋骨

 埋單 $381, 如果唔叫鮑魚飯($160), 轉其他可以平啲!

大家下次不防試下, 門口就有呢個巴士站

侍續............