澳門 (10.7.2009)

今日八點幾就起身食早餐, 諗住食完抖陣就係酒店游水,

點知經過個泳池, 發覺真係細到無可再細,

即刻冇晒mood, 所以決定唔去, 返房再瞓過.........

12:00P.M.始終要check-out, 跟住就去咗葡萄酒博物館及

賽車博物館, 好近酒店, 行過去約十五分鐘 

 兩間入場費合共只不過每人$20, 仲有紅酒試飲!

地方好大! 大賽車博物館內擺放了很多紀念品及造型擺設.....

 原來女人都鐘意車嘅.........

 玩完賽車, 走過隔離就係葡萄酒博物館.

一入去就見到.....酒神 

內裏放了各種釀酒設備, 酒桶, 蒸餾器等......

呢個籠入面放嘅全部係古董堅嘢! 個"食蕉阿叔"不停咁,

好有心機講解比我地知.......(我冇間佢!)

 佢叫我一定要影下呢支全場最老嘅紅酒,

生產於1815年, 咁咪順下佢意囉!

行到尾聲, 門口有得試飲紅酒/白酒一杯(=細半杯),好sweet!

冇錯, 真係好sweet, 甜嘅紅酒我都係第一次飲,

亞媽好鐘意, 所以........

 我地罔顧千里迢迢, 買咗兩支香港都可能有得買嘅酒返嚟!

接近四點, 去咗義順牛奶食薑汁撞奶, 仲加個辣魚飽!

 今時今日嘅澳門靚咗好多!

 大三巴仍然屹立不倒 

全個澳門係得呢43條巴士線.

天氣太熱, 又攰, 行李又重(我一路儍仔咁攞住兩支酒),

所以決定早啲食完晚飯就坐船返香港,

行過呢間沙利文餐廳, 一於入去試下!

 因為唔肚餓, 坐咗15分鐘都諗唔到食乜好,

最後叫咗一個牛尾湯同燒沙甸魚, 沙甸魚明顯冇昨晚咁好食

就喺印象嘛嘛的記憶中, 結束呢兩日一夜嘅澳門之旅!