10/5/2009 香港-->高雄
終於出發了, 好耐冇同朋友外遊, 心情特別好!
直飛台灣高雄.............今次唔使坐機尾
(Photo by Cady)
港龍第一餐,可能心情好,覺得幾好味! 
(近年都發覺啲飛機餐好咗好多!)
今次豪華遊, 更係坐的士啦,
亦付出咗我地嘅第一次...使費比...."第一個男人"...."的士阿叔" ,
人生路不熟, 認住佢先....真人仲少啲頭髮...不過份人好似幾nice....
好快到咗高雄福華酒店, 快快脆就check好in上房, 個view都OK啦!
我地好快就出發到附近揾嘢食,出奇地周圍閂晒門,
仲有好多人拜神, 明明今日係母親節.......I don't know WHY?
因為冇乜食嘢嘅地方有開門, 又想快啲去下一站,
very 求其去咗呢間"龍門客棧, "Order 咗魯肉飯,
魚丸湯, 荀湯, 豬腳飯, 好平, 好地道, 不過唔係好啱今我胃口!
好快就食完, 因為份量唔多.....
我哋四個女人仔其實好細食......
天氣太熱, 又唔熟路, 當然又係坐Taxi,
所以好快就到第一個玩樂點..........
夢時代廣場!
一去到就直上頂樓, 亞煩見到個摩天輪發晒癲,
話要坐 '透明嗰個', 但一見到Melody 
就即刻飛咗上去! 哈......
因為我哋今次呢個trip係非常'hir' & '遊'嘅關係,
所以係呢到勁影相, 影咗成個鐘頭, 都唔知幾Happy!
亞煩話一定要坐Melody......Melody.......Melody.....
你哋咪似為我哋笑得咁燦爛好輕鬆, 其實我哋都好驚,
因為雖然我哋四個女人仔加起唔係好重
,
不過當我哋四個行埋同一邊,對面得部相機,
重要喺半空嘅感覺,真係好刺激,
喺冇腳架之下影到呢張五美圖, 真係好唔容易!
係頂樓影完晒相, 熱辣辣更係飲杯嘢先啦, 何況頭先都唔飽,
我哋仲要以形補'型' .......登...登...登...凳, 木瓜牛奶!(我飲)
影完相就係商場行下, 好似冇乜特別嘢睇,
所以去咗周圍都有嘅化粧品部,
居然買到嘢, 因為覺得幾抵...$$$
LANEIGE旅行裝, (最值錢係眼霜), ..........
四個人買咗唔少嘢, 所以決定返
酒店放底啲戰利品先, 然後再去食晚飯.............
結果我地去咗呢到................
嘩! 街頭巷尾人頭湧湧, 六合夜市非常熱鬧!
一去到，行咗一陣睇吓咩環境先，我地叫咗通菜,炸蝦卷,
鵝腸(好難食),因為大家都肚餓，又係求其試吓白筍
(有啲黃色透明物體比你點,但食呢間咩'料'先！完都唔知你乜東東),
好彩仲有兩碗麵,但係勁多油, 總結, 不適合我哋四個港女食!
胡椒餅我估OK, 我只食了少少皮, 因為勁多蔥, 我覺得好臭!
以下呢啲, 味道唔知, 因為全部冇食, 齋影相
我哋覺得全晚(全日)最好食的就係.........
香酥臭豆腐(旁邊嘅酸菜都very OK)...我哋仲食咗兩份...100分!
食飽就周圍行下, 飲下...高雄夜市都幾靚嘅....不過周圍黑啲囉!
飲嘢.....飲嘢...........
你哋幾個勁無聊! (Me too!)
返到酒店, 更係仲有下場, 今明係亞煩生日, let's celebrate!
10/5/2009之戰利品
待續.....
留言列表
