11/5/2009 高雄-->墾丁
行程第二日, 我哋都冇偷懶, 一早就起身食早餐
約了出租車八點鐘在酒店門口等, 我地就係包咗呢架Taxi兩日半
司機叔叔帶我地去望下個生果檔...最後買咗TW$160嘅蓮霧就繼續行程
見到這個路牌已經好興奮!
沿路係呢到休息下, 影下相...
好快, 我地就去咗下一個景點, 國立海洋生物博物館, 有啲似
Ocean Park, 但就冇機動遊戲玩
佢啲頭髮好搞笑!
幅相假嘅, 我影完後面有個細路對住我話"討厭"(國語),
唔知咩事, 但佢真係好"討厭"
呢幅真嘢!
巨型"魚樂無窮"
睇完景, 醫下肚先, 去咗呢間好多人介紹嘅萬巒豬脚
豬腳OK啦, 反而啲菜＆麵勁油!唔係好啱口口聲聲話減肥嘅我!
快快食完, 直踩恆春, 經過了海角七號拍攝景點, 大人細路都拍照留念!
我冇, 因為我係靚女..........中女至真!
頭先好似食唔飽, 又去咗人地介紹的小杜包子, 唔......唔係好特別
終於到咗預訂嘅民宿~亞哥之家, 網上睇等okay, 實質睇, 一般啦, 咁佢
個view係靚嘅, 不過service欠奉.
我地真係好積極, 放底行理又即刻出發, next station is 鵝鑾鼻公園
Everywhere is Blue & Green, I like it!
呢個燈塔幾靚, 而且仲有運作嫁!
又係我出場嘅時候....
再嚟大頭
好神奇, 唔知真定假, 但呢到係墾丁國家公園範圍內......
我估真嘅, 我買$50....之後又去到全台灣最南點, ....得呢舊嘢睇
拿拿淋再到佳樂水到此一遊, 因為就閂門, 冇入去睇啲怪石
睇吓我地幾寫意, 上咗山頂(山腰)睇日落, 喺香港真係得閒都未必會去
TW$100, 有位座, 嘆咖啡, 睇日落, 唔錯, 唔錯
雖然今日好充實, 不過仲未完, 我地幾個係後生女嘛!
大把Energy......Next!
出火特別景觀區, 好似去澳門玩燒煙花咁!
我地買咗一包爆谷同一包金鋼棒, 齊齊燒, 好好玩!
最後一站, 墾丁大街, 睇下, 食下, 買下心頭好.......仲有
真係最後一站, 民宿留下買消夜!
咪講笑, 呢個七仔冷麵勁好食
待續.....
(鳴謝相片提供:Alice, Cady, Flora) Thx!
留言列表
