12/5/2009 玩盡墾丁
呢個就係尋晚話勁好食的JUMBO真飽香辣涼麵, 太令人回味,
所以.....早餐又係佢
等出發, 影下相先....
又影.....
再影.......
終於出發了,
登.....登......登.....凳!
第一站, 美女浮潛!
實在太美, 我話水世界入面, 可惜冇帶潛水相機, 第一次玩浮潛, 都幾好玩,
仲有玩水上電單車, 香蕉船等, 不過時間太短, 唔夠過引!
玩完水上活動, 返咗民宿冲個涼, 之後坐車四圍睇吓!
近山頂的其他民宿, 個景好靚!
兜咗一陣, 去醫下個肚先......,
個司機阿叔帶咗我地去恒春的一間牛肉麵店, 仲有鹵水嘢食.....牛肉麵
勁揾笨
, 因你已見到所有牛肉了, 冇錯, 你冇眼花,
係得一粒牛肉...仲要勁多油....我立即冇晒胃口....決定罷吃!
司機阿叔見我地冇叫其他嘢, 佢就叫咗呢碟鹵水嘢請我地食, ....味道都唔見得好!
好快就走人, 食唔飽就更係轉場! 朋友介紹小杜包子.
紅豆麻糬包&起司包, 味道一般, 醫肚冇計!
再到呢間外表睇來唔知乜東東?! 原來係甜品店!
恆春冰窒,都冇意境feel嘅, 九唔搭八?!
食完就去咗墾丁森林遊樂區, 要買入場券NT$100.
林蔭大道, 四處鳥語花香.........
地下道.......
温室花園........
行咗個幾鐘, 阿煩話攰要走人(其實大部份時間係影相!)
結果冇行晒全程就走人, 不過今日可能有水上活動,
所以佢會攰啲, 人老咗係咁啦!
當我企係到留倩影嘅時候......身旁有兩個"可愛=可惡"嘅小朋友
望住我不停講: '神經病.....,神經病...., 神經病............',
好hurt, 都唔係以客為先嘅! 乜台灣啲小朋友咁冇禮貌嘅!
算! 大人不記小人過! 繼續行程! Next station is : 貓鼻頭.
再去下一站, 白砂, 個沙灘啲 "砂" 果然好白, 好滑, 好似我, 好啱我 
黃昏仲好靚添
玩咗成日好肚餓, 去咗呢間夥計冬粉, 味道不錯, 仲越坐越多人,
(可能周圍冇乜地方選擇), 我地仲打包咗做消夜!
好奇特, 唔知係乜? (下次開估)
呢幾日難得有生果食, 買番啲巨峰提子先, 仲有西瓜同菠蘿!
臨番民宿前, 心思思再去咗墾丁大街攞多個印花先! 
待續.....
(鳴謝相片提供:Alice, Cady, Flora) Thx!
留言列表
