15/01/2009 仙台-->松島
呢間東橫INN今日食西式早餐
, 阿媽份早餐係我嘅雙倍(正面),
但要話比大家知, 佢之前喺房入面已經食咗4條提子包, 再加一個 BIG CUP杯麵, 現在........
準備出發! 昨晚落了一層薄雪....
路面好濕滑, 我對鞋太大, 行得好辛苦, 係成個旅程最失敗嘅地方!
離開仙台前影番張相先!
JR半小時多D車程便到達松島海岸駅(站), 唔係好多人落車..........
剛剛走咗班shuttle, 要20分鐘才有下一班, 睇地圖以為好近我地間酒店大觀莊, 咪試下行囉! 點知真係豬精!
雖然唔係太遠, 但最慘有一條灣曲長命斜, 足足行咗40分鐘!
上: 官方網頁圖, 下:實影拍攝, 個view好靚, 冇花冇假 
放底行李, 就出去逛逛.......
帶住呢頂冷帽, 我覺得自己好似患咗絕症嘅病人咁.......
米睇我咁神氣, 其實呢度凍到抽筋! 身後是松島最有名景點福浦橋!
互影.........低能........
離遠見到呢團唔知係乜?
行近D
, 原來係一堆魚仔, 睇落幾得人驚...........令人毛骨悚然!
行返頭, 係福浦橋前面間鋪頭仔食午餐!
貪佢個景夠靚, 但限於影相, 因為真係超凍!
走返入室內先......阿媽好識食, 叫咗個生拉麵￥600唔算貴, 仲好新鮮添!
食飽暖粒粒, 即刻去坐遊覽船出海..........每位￥1400.
開船冇耐, 一大群海鷗已經飛近我地隻船..........
隻船唔係太多人, 約有20人, 但好似得我地三個外地人, D日本人唔知做乜,可能凍得仔, 個個都只係坐喺船艙入面, 有個好似同女朋友面左左, 有個係到睇書, 有個冇幾耐仲瞓着咗, 總之奇奇怪怪, 唔知佢地上船做乜?
我地梗係爭取有利位置..........不過根本冇人同你爭.........去船尾餵海鷗, D海風吹埋嚟係刮面嘅痛!
用￥100買咗包卡樂B蝦條, 好細包! 超市只賣￥54, 下次記得自己帶去, 唔餵海鷗都可以自己食
明明食咗!阿媽硬係影唔到!
準備............雛晒眉頭..........
擰咩面
冇眼睇........
驚到走人.............
抵死! 你都有今日
到阿媽...........
海鷗趣事 (記得開聲效先好!)
睇下呢張影得幾好! by Loretta
附近都係呢D小島.......
地下好多雀屎..........所以我帶帽係有原因嘅!
坐完遊覽船, 繼續到附近行下, 呢到又係出名景點五大堂, 一座全用櫸木的單層四方形殿堂.
睇完景, 買完手信, 又要食嘢.......我地去咗松島Sakana市場開餐!
松島最出名生, 即開即食, 每隻￥200.
唔係食咗好多, 因為今晚有海鮮自助餐..........
登凳!
參考網址:松島觀光協會
留言列表
