坪洲食海鮮 (20.7.2012)
今日要到離島工作, 行程決定由長洲開始,
再到坪洲, 最後才到南丫島!
坪洲真係好少去, 地方不大又沒甚麼景點,
如果唔係黎呢到工作, 都唔會發現呢次介紹既餐廳.
一眼見晒既坪洲...
行過離島小巷, 一不留神, 好容易走漏眼...
....就係呢間...茶餐廳...有無茶餐食我真係唔知....
門口餐牌大部份係小炒菜式...都$50-$60起...
何解枝竹火腩煲會係海鮮類
其中既招牌菜...
樓下及樓上各三張大檯
牆上掛著<<般若心經>>, 附有日文拼音...
登登登凳! 第一道上檯既係...鹽水煮蜆! 蜆肉大大隻,
配合入味粉絲...最緊要係d蜆無沙! 鮮甜美味! 正!
2. 爽脆豬耳配泰式辣漿汁, 正!
3. 豆卜湯...豆腐卜釀蝦膠, 胡椒湯低配上芽菜點綴,
口感豐富而不會喧賓奪主...
4. 煎封黃腳鱲, 嘩, 不得了, 極力推介, 超好味!
香脆可口入晒味, 成條魚尾我食晒...
5. 一魚兩味, 咪睇佢得番細細條, 嘩, 食完d香口野,
黎番條清蒸魚, 間直係絕配! 魚肉嫩滑鮮甜, 啖啖肉, 一流呀!
6. 嘩, 又另一推介, 貴刁花蟹! 酒有香味, 蟹有甜味,
味道平分春色, 仲係啖啖肉, 我又一個人食左一隻...
7. 蒸糯米飯, 我對糯米飯要求甚高, 呢個糯米飯只屬於僅僅合格.
8. 炒通菜, 賣相一般, 但味道不錯.
9. 嘩, 霸皇雞, 肉質嫩滑, 正!
10. 冰凍Zero, 可惜仲要開工, 否則實beer beer 佢...
11. 勢估唔到, 居然有湯水送, 仲係無"渣流灘"既蕃薯意米湯水!
其實以我地十一個人食, 份量唔算多(係十男一女),
我估計佢地唔係好飽,但天氣熱唔使食咁飽之餘,
"好味"已經令佢地好滿足,
聽講事關數日前佢地去大澳食海鮮被人"湯"到一頸血,
今日每人只是$110, 所以佢地已經好滿足!
食飽等開船, 茶餐廳前面不遠就係坪洲天后廟...
基於呢到真係無野玩, 如果有機會去坪洲, 不妨試下呢間"茶餐廳"
文章標籤
全站熱搜
留言列表
